Labels:
இளையதளபதி
,
விஜய்
comments (0)
ஆட்டோகிராப் படத்தில் கதாநாயகியாக அறிமுகமானவர் கோபிகா. கனா கண்டேன், தொட்டி ஜெயா, எம்டன் மகன் உட்பட பல தமிழ் படங்களிலும், ஏராளமான மலையாளம், தெலுங்கு, கன்னட படங்களிலும் நடித்து இருக்கிறார். கோபிகா, மார்க்கெட் உச்சத்தில் இருந்தபோதே திருமணம் செய்து கொண்டார். அவருடைய கணவர் அகிலேஷ் அயர்லாந்தில் டாக்டராக இருக்கிறார். 2008ம் ஆண்டு ஜூலை 27ம்தேதி இவர்கள் திருமணம் கேரளாவில் நடந்தது. திருமணத்துக்கு பின் கோபிகா, கணவருடன் அயர்லாந்தில் குடியேறினார். திருமணத்துக்கு பிறகு அவர் தமிழ் படங்களில் நடிக்கவில்லை. ஆனால் 2 மலையாள படங்களில் நடித்தார். அதன் பின்னர் கர்ப்பமானதால் அயர்லாந்துக்கே சென்று விட்டார்.
இந்நிலையில் கோபிகாவுக்கு அயர்லாந்தில் கணவர் அகிலேஷ் பணிபுரியும் மருத்துவமனையிலேயே அழகான பெண் குழந்தை பிறந்துள்ளது. தற்போது தாயும், சேயும் நலமுடன் இருப்பதாக கோபிகாவின் கணவர் டாக்டர் அகிலேஷ் தெரிவித்துள்ளார்
புதுடில்லி: மூன்றாவது ஐ.பி.எல்., தொடர் முதல் பாதி முடிவடைந்த நிலையில், மும்பை இந்தியன்ஸ் அணி அசத்தலாக செயல்பட்டுள்ளது.
மூன்றாவது ஐ.பி.எல்., "டுவென்டி-20' கிரிக்கெட் தொடர் இந்தியாவில் நடக்கிறது. 8 அணிகள் பங்கேற்கும் இத்தொடரில், ஒவ்வொரு அணியும் தலா 14 லீக் போட்டிகளில் விளையாடுமாறு அட்டவணை வடிவமைக்கப்பட்டுள்ளது. குறைந்தது 8 போட்டிகளில் வெற்றி பெறும் 4 அணிகள் அரையிறுதிக்கு முன்னேறும்.
மும்பை அசத்தல்: இந்த முறை சச்சின் தலைமையிலான மும்பை இந்தியன்ஸ் அணி அசத்தி வருகிறது. இதுவரை விளையாடிய 7 போட்டிகளில் 6 வெற்றிகளை பெற்று புள்ளிப்பட்டியலில் முதலிடத்தில் உள்ளது. இனி விளையாட உள்ள 7 போட்டிகளில் 2 ல் மட்டும் வெற்றி பெற்றால் அரையிறுதிக்கு முன்னேறி விடும். தற்போதைக்கு அரையிறுதி வாய்ப்பை கிட்ட தட்ட உறுதி செய்துள்ள ஒரே அணி மும்பை தான். கடந்த முறை (2009) 7 வது இடத்தை பெற்று ஏமாற்றம் அளித்த மும்பை அணி, இம்முறை சச்சின், சவுரப் திவாரி, ராயுடு, போலார்டு, பிராவோ, மலிங்கா, ஜாகிர், ஹர்பஜன் என வலுவான கூட்டணியுடன் ஐ.பி.எல்., தொடரில் சாதிக்க காத்திருக்கிறது மும்பை அணி.
யாருக்கு வாய்ப்பு?: அரையிறுதிக்கு முன்னேறும் மற்ற மூன்று அணிகள் எவை என்பதில் இழுபறி நீடிக்கிறது. தற்போதைய நிலையில் 2 வது இடத்தில் உள்ள டில்லி அணிக்கு (8 போட்டி 5 வெற்றி), அரையிறுதிக்கு தகுதி பெறும் வாய்ப்பு அதிகம் உள்ளது. பெங்களூரு (7 போட்டி 4 வெற்றி), ராஜஸ்தான் (8 போட்டி 4 வெற்றி), கோல்கட்டா (8 போட்டி 4 வெற்றி)அணிகளும் அரையிறுதிக்கு முன்னேற கடுமையாகப் போராடி வருகின்றன.
சென்னை எழுச்சி: ஐ.பி.எல்., தொடரில் தொடர்ந்து 4 போட்டிகளில் தோல்வி அடைந்திருந்த தோனி தலைமையிலான சென்னை சூப்பர் கிங்ஸ் அணிக்கு (8 போட்டி 3 வெற்றி) நேற்று முன் தினம் பெங்களூரு அணிக்கு எதிராக வெற்றி பெற்று பார்முக்கு திரும்பியுள்ளது. இந்த அணி, அரையிறுதிக்கு முன்னேற வேண்டுமானால், இனி விளையாட உள்ள 6 லீக் போட்டிகளில் 5 ல் கட்டாய வெற்றி பெற்றாக வேண்டும். டெக்கான் அணியும், நெருக்கடியான நிலையிலேயே உள்ளது. இதுவரை விளையாடிய 7 போட்டிகளில் 6 தோல்விகளை பெற்றுள்ள கிங்ஸ் லெவன் பஞ்சாப் அணி, அரையிறுதி வாய்ப்பை இழக்கும் நிலைக்கு தள்ளப்பட்டுள்ளது.
